Президент Владимир Путин Федераль Йыйылышҡа йыллыҡ Мөрәжәғәтнамәһендә һаулыҡ һаҡлау өлкәһен информатизациялау мөһимлеген билдәләп үтте. “Өс йылда медицина ойошмалары, дарыуханалар, табиптар һәм пациенттар араһындағы электрон бәйләнеште яйға һалыу зарур. Дөйөм һанлы селтәргә мотлаҡ рәүештә медицина-социаль экспертиза ойошмаһын да индереп, ниһайәт, өлкәндәрҙе, инвалидтарҙы, балалы ғаиләләрҙе сираттарҙан һәм йыш ҡына кәрәкмәгән белешмәләр йыйыуҙан арындырырға кәрәк”, – тине ул.