Учалы ҡалаһынан Лилиә Низаметдинова:
«Уҡтан атыу – иптәшем Рәйес Жәүҙәт улы менән уртаҡ мауығыуыбыҙ. Бындай ярыштарға тәбиғи туҡыманан тегелгән милли кейемдә килеү хуплана. Икебеҙгә лә килешле кейем тектерҙек, биҙәү эшен үҙем башҡарҙым. Баш кейемем дә үҙенсәлекле булыуын теләп, байтаҡ эҙләндем һәм С.Н. Шито­ваның «Башҡорт халыҡ кейеме» китабында күрһәтелгән таҡыяла туҡталдым. Был «Ҡурай» каналының «Йөрәк һүҙе» проектында ҡатнашҡан мәлгә тура килде: мөкиббән китеп үҙем шиғыр ят­лайым, ҡулдарым тәңкәләр тегеү менән мәшғүл... Кәрәк саҡта ҡулына уҡ-һаҙағын да алған сая ла, наҙлы ла, сибәр ҙә башҡорт ҡыҙҙарына тап ошондай торҡа килешәлер кеүек миңә».