«Ынйы» башҡорт ижади үҙәгенең ҡурсаҡтары, милләтебеҙҙе танытып, донъяның төрлө төбәктәренә таралған. Сәрүәр Аслаева өй биҙәүгә тәғәйенләнгән уйынсыҡтарҙың кәүҙәһен ҡатырғанан эшләй, башы менән ҡулдарын оҫтанан яҙҙыртып ала. Уларҙы боронғоса кейендерер өсөн тәбиғи туҡымалар, күн, тире файҙалана.
Сәрүәр Ғилметдин ҡыҙы өлгөләрҙе тотошлай үҙе сигә. Уйынсыҡтарға биҙәүестәрҙе үҙ ҡулдары менән яһай.
Балалар уйын ҡурсаҡтарын төрлөсә кейендереп ҡарай ала. Башҡорт милли костюмы менән таныштырыу өсөн дә уңайлы.
Йәтеш ҡурсаҡтарҙы иһә асҡысҡа тағырға мөмкин, машинаға элергә, сумкаға тағып алырға була.