Сәхнә әһелдәренең йыр-бейеүен, уйнауын яратып ҡарап ҡына ҡалмайбыҙ, уларҙың тормошондағы яңылыҡтар менән ҡыҙыҡһынабыҙ, үҙен тотошон, тышҡы ҡиәфәтен дә күҙ уңынан ысҡындырмайбыҙ, ҡайһы саҡ хатта ҡабатларға тырышабыҙ. Башҡаларҙан айырылып торорға, үҙ зауығын һыҙыҡ өҫтөнә алырға яратҡан йондоҙҙар һәр саҡ камиллыҡҡа ынтыла. Ә оҫта дизайнер-тегеүсе Сайма ХӘСӘНОВА, һәр кемеһенең үҙенсәлеген иҫәпкә алып, ҡабатланмаҫ образ тыуҙырырға ярҙам итә.