Бармы ул теге донъя?
Тормошта мөғжизәле, ғәҙәттән тыш хәлдәр йыш осрап тора. Күрәҙәселәр, имселәр, алдан күреүселәр күбәйгәндән-күбәйә. Дин теге йәки был хәлгә үҙенсә баһа бирһә, фән әһелдәре үҙҙәренсә аңлата.
Башҡорттар араһында ла теге йәки был имеш-мимешкә ышаныусылар ҙа, уны һанға һуҡмаусылар бар. Кешенең йән биреүен, теге донъяға китте, тиҙәр. Теге донъя, параллель донъя ысынында бармы ул? Ниңә кемдер йәннәткә эләгә, икенсе берәү - тамуҡҡа? Хатта кешене ер ҡуйынына тапшырғас та, уның йәне 40 көн буйы өйҙә йөрөй, тиҙәр.
Ғалимдар Антарктидала магнит аноманиялары күҙәтелеүе тураһында хәбәрҙәр еткерә башланы, йәнәһе лә ундағы Көнсығыш күле янында ер аҫты батшалығына инеү юлы бар. Ер шарының бер бөтөн булыуы тураһындағы тәғлимәтте берәү ҙә кире ҡаҡмай, әммә уның полюстарынан ер аҫтына инеү урындары бар икән. Әммә улар бер ниндәй ҙә мәмерйә, юл, уйылған ер түгел. Бары ниндәйҙер энергетик көс, уны ҡул менән тотоп ҡарап булмай, ул – “параллель” донъя.
Теге донъя барлығын иҫбатлаусы миҫалдар ҙа бихисап. Мәҫәлән, Дана Форсайт исемле Британия ҡатыны теге донъяға күсеү юлын табыуын хәбәр итеп, йәмәғәтселекте шаҡ ҡатырҙы. Уның асышы теге тормоштоң әлеге беҙҙеке менән оҡшаш йәки уның күсермәһе булыуын ғына иҫбатлауға ҡайтып ҡала. Ләкин унда бер ниндәй ҙә ауырыу, көсөргәнеш, һуғыш сығыу ҡурҡынысы юҡ. Иҫ китмәле тыныслыҡ хөкөм һөрә.
Форсайттың был тикшеренеүгә тотоноуына 1998 йылда Кант ҡалаһының көлкө ҡаласығы аттракционынан дүрт үҫмерҙең ғәжәп рәүештә юғалыуы сәбәпсе була. Өс йылдан – тағы ла икәү. Аҙаҡ – тағын. Полиция, балаларҙың юғалыу ваҡиғаһын тикшергәндә, бер ниндәй енәйәт эҙҙәре тапмай. Асыҡланыуынса, был үҫмерҙәр бер-береһе менән таныш, ә юғалған ваҡыттары айҙың һуңғы кесе йомаһына тап килә. Эҙләнеүҙәр бер ниндәй ҙә һөҙөмтәләр бирмәй. Аттракционды япҡас ҡына юғалыуҙар туҡталып тора.
Форсайт: “Бының сере ундағы бер кәкре көҙгөлә,”– ти. Үҫмерҙәрҙең береһе яңылыш ҡына шул көҙгөнө асып, “ҡапҡанға” эләгә лә инде. Артынан уға ҡыҙыҡҡан иптәштәрен дә саҡырып ала.
Беҙҙең яҡташыбыҙ, профессор Эрнст Мулдашев та Тибеттағы пирамидаларҙы тикшергән ваҡытта кәкре көҙгөләргә тап була. Сәйәхәтсе билдәләүенсә, пирамидалар – дүрт бүлемле параллель донъяның ҡапҡаһы. Өс мөйөшлө пирамидаларҙы юҡҡа ғына дүрт яҡлы йәки дүрт мөйөшлө нигеҙ тотоп тормай. Шуға ла беҙгә күренмәгән дүрт бүлемле теге тормошта биш бүлемлеһе лә булыуы мөмкин, уның нигеҙен биш мөйөшлө донъя тәшкил итәлер, ти ғалим. Мулдашев Мысыр пирамидаларын теге донъянан беҙҙең өсмөйөшлө донъяға килгән кешеләр төҙөгәнлегенә ышандыра. Нефертитиҙы алайыҡ: уның буйы – 3,6 метр һәм артҡа сығып торған ҙур башы булыуы билдәле. Мысырҙың боронғо башлығы Эхнатондың иһә буй оҙонлоғо – 4,5, ә тағы ла боронғораҡ дәүләт етәкселәре Хаторҙарҙың 18 метрға тиклем еткәнлеге асыҡланған.
Ошо әлеге пирамидалар эсендә Мулдашев экспедицияһы күп һанлы ярымтүңәрәк, тулҡын рәүешендәге таштарға юлыға. Уларҙын өҫкө йөҙҙәре шыма булғанға ла көҙгө тип атайҙар. Тикшеренеүселәр бында үҙҙәрен иркен тота, еңел хис итә. Көҙгөләр янында кемдер бала сағын күрә, кемдер билдәле булмаған урындарға барғандай була. Ғалим иҫәпләүенсә: “Көҙгөләр янында ваҡытты үҙгәртеп, тирә-йүн менән идара итергә була. Боронғо риүәйәттәрҙә яҙылыуынса, ошо көҙгөләр ярҙамында теге донъяға сығырға мөмкин.”
Тағы ла бер ҡараш йәшәй. Беҙҙең ғаләм өс түгел, ун бер бүлемле. Тимәк, өсәр ҡатлы өс донъя, шуның икәүһе – ике өҫтәлмә бүлем. Бөтә донъялар ҙа өй-планеталарға бүленгән. Берәүһендә беҙ йәшәһәк, ҡалғанында – сит планета кешеләре. Шулай тиһәк тә, ниңә һуң һаманға тиклем иң көслө, заманса радиотелескоптар осоусы тәрилкәләр, беҙгә килгән сит донъя ҡунаҡтарын күрмәй һуң? Эйе, билдәһеҙ осоусы объекттарҙы кемдер күреп ҡалыуы, фотоға, видеоға төшөрөүе ихтимал. Ундай ерҙәрҙе “телепортацион урындар” тип атайҙар. Телепортация миҫалдары ла күп. Мәҫәлән, уҙған быуаттың 60-сы йылдарында Америкала булған бер хәл. Томас Механ исемле адвокат, ғәҙәттәгесә, эш көнөнән һуң ҡайтырға сыға. Ләкин ошо сығыуынан һуң уны бер кем дә, бер ҡасан да күрмәй, ул ғәжәп шарттарҙа эҙһеҙ юғала, тип әйтергә булыр ине, тик... Калифорния штатындағы бер дауахананың ҡабул итеү бүлеге шәфҡәт туташы Мариса Кледванс медицина ярҙамы һорап килеүсе ҡара костюмдағы иргә иғтибар итә. “Томас Механ, адвокат” – тип таныштыра ул үҙен. Ул дауаханаға ниңә килеүен, машинала китеп барғанда көслө ауыртыу тойоуын, үлгән кеше кеүек булыуын әйтә. Медицина картаһын, ҡабул итеү ваҡытын тултырып шәфҡәт туташы бер секундҡа ғына карталар ятҡан кәштәләргә ынтылып, ауырыуға боролһа – ул урынынан юҡҡа сыҡҡан була.
Шул уҡ көндө кискеһен бер йылға буйында Механдың машинаһы табыла. Унда ҡан таптары ла 50 метр самаһы һуҙылып барып, бер урында өҙөлөп ҡала. Адвокаттың кәүҙәһен аҙаҡтан ғына 30 саҡрым алыҫлыҡта табалар. Мәйеттең башында ҙур яра эҙе булһа ла, үлеменең сәбәбе – һыуға батыу. Ныҡлы тикшеренеүҙәрҙең һөҙөмтәһе шуны күрһәтә: Механдың һыуға осҡан мәле уның дауаханаға мөрәжәғәт итеүе менән тап килә.
Донъя илдәренең архивтарында ошондай һәм башҡа тағы ла сәйерерәк күренештәр тулып ята. Ләкин, ҡағиҙә булараҡ, йомғаҡ хәлдәр фән күҙлегенән ситтәрәк ҡала, ғалимдар өсөн бик ҡатмарлы өлкә, уны сисеү мөмкин дә түгел кимәлдә. Шулай ҙа белгестәрҙең күпселеге параллель тормоштоң ысынлап та булыуын таный.
Параллель тормош менән мөнәсәбәттә йәшәүҙең иң ябай осрағы – төш күреү. Төштә булған ваҡиғаларҙы беҙ ысынбарлыҡтағы һымаҡ хис итәбеҙ. Ә уянып китһәк – ул төш кенә булған икән. Беҙҙең аңыбыҙ төштәрҙән мәғлүмәт кенә һөҙөп ала. Төшөбөҙҙә алған мәғлүмәттәрҙең тиҙлеге шул тиклем шәп, 8 сәғәт йоҡо эсендә бер аҙналыҡ, айлыҡ ваҡиғаны баштан үткәрергә мөмкинбеҙ һәм бер минут серем мәлендә лә тулы сериалды “ҡарап сығырға” өлгөрәбеҙ.
Һуңғы күргән төштө иҫебеҙгә төшөрәйек әле. Улар беҙҙе уратып алған донъя, туғандар, синыфташтар... Күңеллеләре лә, ҡурҡыныстары ла, үлгән кешеләре лә осрай, шулаймы? Ҡайҙан килеп сыға һуң улар? Ниңә тормошта ла күрмәйбеҙ уларҙы? Сикһеҙ даръя киңлектәре бәләкәй генә атомдарҙан тора. Улар шундай эске энергияға эйә, туҡтауһыҙ хәрәкәттә булалар. Беҙ уларҙы ябай күҙ менән күрә алмайбыҙ. Кеше тәне лә атомдарҙан тора. Бөтә атомдар ҙа төрҙәренә, төҙөлөштәренә ҡарап төрлө йышлыҡтарҙа, тиҙлектә һәм йүнәлештә хәрәкәт итергә мөмкин.
Шул айырмалыҡтар өсөн дә беҙ йәшәйбеҙ инде, сөнки әгәр беҙ төштә күргән тиҙлек менән хәрәкәт итә башлаһаҡ, нимә булырын да күҙ алдына килтереүе ауыр. Был осраҡта ситтә торған икенсе кеше беҙҙе бөтөнләй күрә алмаҫ ине.
Үҙебеҙҙең тәнебеҙгә радиотулҡындар тиҙлеген биреп ҡарайыҡ, тип күҙ алдына килтерәйек. Улай булғанда, беҙгә ер шарын әйләнеп сығыу өсөн бер секундтан да кәмерәк ваҡыт етәсәк. Ошо “осош” ваҡыты эсендә юлда осраған материктар, тауҙарҙы, океан-диңгеҙҙәрҙе лә күреп өлгөрөр инек. Хәҙер күҙ алдына килтерәйек: беҙҙең яныбыҙҙа шундай тиҙлекле донъя бар икән тип. Беҙ уның барлығын һиҙер инекме? Юҡ, әлбиттә. Ә бына аңыбыҙ менән беҙ секунд эсендә Америкала, йәки башҡа урында булып ҡайтабыҙ. Шуға ла беҙҙә сәйер хәлдәр булып тора, мәҫәлән: мин был урында булдыммы, юҡмы? Был кешене ҡайҙа ғына күргәйнем әле? Күпме тырышһағыҙ ҙа, иҫегеҙгә төшөрә алмаҫҡа мөмкинһегеҙ: был аңлата алмаҫлыҡ хәлдәрҙең барыһы ла параллель донъя менән киҫешкән урында була ла инде...
Америка ғалимдарының 70 проценты, үлгәндән һуң тормош бар, тип иҫәпләй. Төрлө дин әһелдәренең ҡараштары ла шулай. Хьюстон университеты ғалимдары ике меңгә яҡын респонденттан, улар араһында гуманитар, төп фәндәр менән шөғөлләнеүселәр ҙә бар, һорау алыуҙар үткәргән. Һөҙөмтәләр аптыратырлыҡ, күпселек теге донъя барлығына ышана.
Бөтә кеше лә теге донъяға ышанмай, әлбиттә. Кембридж университеты ғалимы Петер Уодхемс та бындай тикшеренеүҙәрҙе ҡурҡыныс тип иҫәпләй. Ә проблемаға мөрәжәғәт итеүселәрҙе “алдаҡсылар” тип атай.
Ендәрҙе күреү, полтергейстар феномены ла бар бит әле. Уларҙы тикшеренеүҙәр ҙә ун һигеҙенсе быуатта, фәнни-техник революция үҫеш алған ваҡытта башлана. Күҙгә күренеүсе шайтандар – үлгән кешеләрҙең йәндәре иҫәпләнгән. Был феноменды асыҡлау уларҙы күреүсе шаһиттарҙың һөйләүҙәренә, яҙмаларына ғына ҡайтып ҡала.
Мәҫәлән, 1848 йылда Нью-Йорк штаты янындағы ағас йорттарҙың береһендә йәшәүсе апалы-һеңлеле ҡыҙҙар өйҙәрендә ниндәйҙер йән эйәһенең булыуын, ул туҡылдатыуҙар менән һөйләшеүен хәбәр итә. Йәнәһе лә ул был өйҙә ҡасандыр йәшәгән бер тимерсенең йәне. Тик ҡыҙҙарҙы шарлатанлыҡта ғәйепләп, ҡыуып ебәрәләр. Ә бер нисә йылдан йорт аҫтында күмелеп ҡуйылған кеше кәүҙәһе табыла...
Ә шулай ҙа...
Бер ваҡыт Мөшриктәр (мәжүсиҙәр) Рәсүллуллабыҙҙан мөғжизә таптырып бер иткәндәр. Быға яуап итеп, Аллаһы Тәғәлә гөнаһтары өсөн ер йөҙөнән юғалған халыҡтарҙы миҫалға килтерә. Мөғжизә күрһәтелеп торһа ла, улар ышанмаған. Үҙеңә ҡара, тәнеңдә күпме мөғжизә, тиелгән Ҡөрьәндә. Ысынлап та, беҙ һәр беребеҙ бер бөтөн хасил итһәк тә, ҡасандыр ике өлөш булғанбыҙ – атайыбыҙ һәм әсәйебеҙ тәнендә йөрөгәнбеҙ. Ул сағыбыҙҙы беҙ хәтерләмәйбеҙ – әммә булғанбыҙ. Унан әсәйебеҙ йөрәге аҫтында туғыҙ айға яҡын ғүмер кисергәнбеҙ. Әгәр беҙ шунда оҙаҡҡа ҡала торған булһаҡ, икенсе, әле йәшәгән донъябыҙ барлығын белмәҫ тә инек. Ер йөҙөндә ғүмер кисереп, уның менән хушлашҡас, йәнә икегә бүленәсәкбеҙ: тәнебеҙ – ерҙә ҡаласаҡ, йәнебеҙ Хаҡ Тәғәлә хөкөмөнә күсәсәк. Икенән бер булғанды, берҙән ике булыу мөғжизәһенә нисек ышанмаҫҡа мөмкин?
Күҙгә күренмәҫ һәр күҙәнәгебеҙ кеше хаҡында бар нәмәне белә, шуға ла унан клон яһарға мөмкин. Кеше тәнендә бер ниндәй шарттарҙа ла юҡҡа сыҡмай торған бер күҙәнәк барлығын ғалимдар иҫбатланы ла инде. Шул күҙәнәктән тереләсәкбеҙ беҙ Ҡиәмәт көнөндә.
Теге донъя барлығына ышаныу-ышанмау һәр кемдең үҙенән тора. Был өлкәләге тикшеренеүҙәр әле лә бара, киләсәктә лә дауам итәсәк. Дин тәғлимәттәре асылда фәнни ҡараштар менән тап килеүе мәңгелек донъяның барлығына шик ҡалдырмай.
Ғәбдерәүеф Хәйруллин, Туҡай мәсете имам-хәҙрәте:
“Был донъяға беҙ бушҡа килмәгәнбеҙ. Аллаһы Тәғәлә кешеләрҙе нисек бар шулай яратҡан. Кемдер дөрөҫ юлдан бара, Аллаһы ҡушҡандарҙы үтәй. Ҡайһы берәүҙәр инде шайтан юлын тапай, насар ҡылыҡтар эшләй. Изге кеше менән алама йән эйәһе араһында айырмалыҡтар бармы? Әлбиттә. Юҡҡа ғына беҙ теге йәки был әҙәм йәннәткә эләгә, ҡайһы берҙәрҙе тамуҡ алыр, тип әйтмәйбеҙ бит. Ҡиәмәт көнөндә лә беҙҙән һорауҙар аласаҡтар, йәнебеҙ ожмахҡа эләгәме, тамуҡта янасаҡмы, шунда билдәле була ла инде. Шуға ла үлгәндәрҙең тәне ерҙә ятһа ла, уларҙың йәндәре теге донъяла осоп йөрөй. Улар мең йылдар үткәс тә әйләнеп ҡайтырға мөмкин”.
Башҡорттар араһында ла теге йәки был имеш-мимешкә ышаныусылар ҙа, уны һанға һуҡмаусылар бар. Кешенең йән биреүен, теге донъяға китте, тиҙәр. Теге донъя, параллель донъя ысынында бармы ул? Ниңә кемдер йәннәткә эләгә, икенсе берәү - тамуҡҡа? Хатта кешене ер ҡуйынына тапшырғас та, уның йәне 40 көн буйы өйҙә йөрөй, тиҙәр.
Ғалимдар Антарктидала магнит аноманиялары күҙәтелеүе тураһында хәбәрҙәр еткерә башланы, йәнәһе лә ундағы Көнсығыш күле янында ер аҫты батшалығына инеү юлы бар. Ер шарының бер бөтөн булыуы тураһындағы тәғлимәтте берәү ҙә кире ҡаҡмай, әммә уның полюстарынан ер аҫтына инеү урындары бар икән. Әммә улар бер ниндәй ҙә мәмерйә, юл, уйылған ер түгел. Бары ниндәйҙер энергетик көс, уны ҡул менән тотоп ҡарап булмай, ул – “параллель” донъя.
Теге донъя барлығын иҫбатлаусы миҫалдар ҙа бихисап. Мәҫәлән, Дана Форсайт исемле Британия ҡатыны теге донъяға күсеү юлын табыуын хәбәр итеп, йәмәғәтселекте шаҡ ҡатырҙы. Уның асышы теге тормоштоң әлеге беҙҙеке менән оҡшаш йәки уның күсермәһе булыуын ғына иҫбатлауға ҡайтып ҡала. Ләкин унда бер ниндәй ҙә ауырыу, көсөргәнеш, һуғыш сығыу ҡурҡынысы юҡ. Иҫ китмәле тыныслыҡ хөкөм һөрә.
Форсайттың был тикшеренеүгә тотоноуына 1998 йылда Кант ҡалаһының көлкө ҡаласығы аттракционынан дүрт үҫмерҙең ғәжәп рәүештә юғалыуы сәбәпсе була. Өс йылдан – тағы ла икәү. Аҙаҡ – тағын. Полиция, балаларҙың юғалыу ваҡиғаһын тикшергәндә, бер ниндәй енәйәт эҙҙәре тапмай. Асыҡланыуынса, был үҫмерҙәр бер-береһе менән таныш, ә юғалған ваҡыттары айҙың һуңғы кесе йомаһына тап килә. Эҙләнеүҙәр бер ниндәй ҙә һөҙөмтәләр бирмәй. Аттракционды япҡас ҡына юғалыуҙар туҡталып тора.
Форсайт: “Бының сере ундағы бер кәкре көҙгөлә,”– ти. Үҫмерҙәрҙең береһе яңылыш ҡына шул көҙгөнө асып, “ҡапҡанға” эләгә лә инде. Артынан уға ҡыҙыҡҡан иптәштәрен дә саҡырып ала.
Беҙҙең яҡташыбыҙ, профессор Эрнст Мулдашев та Тибеттағы пирамидаларҙы тикшергән ваҡытта кәкре көҙгөләргә тап була. Сәйәхәтсе билдәләүенсә, пирамидалар – дүрт бүлемле параллель донъяның ҡапҡаһы. Өс мөйөшлө пирамидаларҙы юҡҡа ғына дүрт яҡлы йәки дүрт мөйөшлө нигеҙ тотоп тормай. Шуға ла беҙгә күренмәгән дүрт бүлемле теге тормошта биш бүлемлеһе лә булыуы мөмкин, уның нигеҙен биш мөйөшлө донъя тәшкил итәлер, ти ғалим. Мулдашев Мысыр пирамидаларын теге донъянан беҙҙең өсмөйөшлө донъяға килгән кешеләр төҙөгәнлегенә ышандыра. Нефертитиҙы алайыҡ: уның буйы – 3,6 метр һәм артҡа сығып торған ҙур башы булыуы билдәле. Мысырҙың боронғо башлығы Эхнатондың иһә буй оҙонлоғо – 4,5, ә тағы ла боронғораҡ дәүләт етәкселәре Хаторҙарҙың 18 метрға тиклем еткәнлеге асыҡланған.
Ошо әлеге пирамидалар эсендә Мулдашев экспедицияһы күп һанлы ярымтүңәрәк, тулҡын рәүешендәге таштарға юлыға. Уларҙын өҫкө йөҙҙәре шыма булғанға ла көҙгө тип атайҙар. Тикшеренеүселәр бында үҙҙәрен иркен тота, еңел хис итә. Көҙгөләр янында кемдер бала сағын күрә, кемдер билдәле булмаған урындарға барғандай була. Ғалим иҫәпләүенсә: “Көҙгөләр янында ваҡытты үҙгәртеп, тирә-йүн менән идара итергә була. Боронғо риүәйәттәрҙә яҙылыуынса, ошо көҙгөләр ярҙамында теге донъяға сығырға мөмкин.”
Тағы ла бер ҡараш йәшәй. Беҙҙең ғаләм өс түгел, ун бер бүлемле. Тимәк, өсәр ҡатлы өс донъя, шуның икәүһе – ике өҫтәлмә бүлем. Бөтә донъялар ҙа өй-планеталарға бүленгән. Берәүһендә беҙ йәшәһәк, ҡалғанында – сит планета кешеләре. Шулай тиһәк тә, ниңә һуң һаманға тиклем иң көслө, заманса радиотелескоптар осоусы тәрилкәләр, беҙгә килгән сит донъя ҡунаҡтарын күрмәй һуң? Эйе, билдәһеҙ осоусы объекттарҙы кемдер күреп ҡалыуы, фотоға, видеоға төшөрөүе ихтимал. Ундай ерҙәрҙе “телепортацион урындар” тип атайҙар. Телепортация миҫалдары ла күп. Мәҫәлән, уҙған быуаттың 60-сы йылдарында Америкала булған бер хәл. Томас Механ исемле адвокат, ғәҙәттәгесә, эш көнөнән һуң ҡайтырға сыға. Ләкин ошо сығыуынан һуң уны бер кем дә, бер ҡасан да күрмәй, ул ғәжәп шарттарҙа эҙһеҙ юғала, тип әйтергә булыр ине, тик... Калифорния штатындағы бер дауахананың ҡабул итеү бүлеге шәфҡәт туташы Мариса Кледванс медицина ярҙамы һорап килеүсе ҡара костюмдағы иргә иғтибар итә. “Томас Механ, адвокат” – тип таныштыра ул үҙен. Ул дауаханаға ниңә килеүен, машинала китеп барғанда көслө ауыртыу тойоуын, үлгән кеше кеүек булыуын әйтә. Медицина картаһын, ҡабул итеү ваҡытын тултырып шәфҡәт туташы бер секундҡа ғына карталар ятҡан кәштәләргә ынтылып, ауырыуға боролһа – ул урынынан юҡҡа сыҡҡан була.
Шул уҡ көндө кискеһен бер йылға буйында Механдың машинаһы табыла. Унда ҡан таптары ла 50 метр самаһы һуҙылып барып, бер урында өҙөлөп ҡала. Адвокаттың кәүҙәһен аҙаҡтан ғына 30 саҡрым алыҫлыҡта табалар. Мәйеттең башында ҙур яра эҙе булһа ла, үлеменең сәбәбе – һыуға батыу. Ныҡлы тикшеренеүҙәрҙең һөҙөмтәһе шуны күрһәтә: Механдың һыуға осҡан мәле уның дауаханаға мөрәжәғәт итеүе менән тап килә.
Донъя илдәренең архивтарында ошондай һәм башҡа тағы ла сәйерерәк күренештәр тулып ята. Ләкин, ҡағиҙә булараҡ, йомғаҡ хәлдәр фән күҙлегенән ситтәрәк ҡала, ғалимдар өсөн бик ҡатмарлы өлкә, уны сисеү мөмкин дә түгел кимәлдә. Шулай ҙа белгестәрҙең күпселеге параллель тормоштоң ысынлап та булыуын таный.
Параллель тормош менән мөнәсәбәттә йәшәүҙең иң ябай осрағы – төш күреү. Төштә булған ваҡиғаларҙы беҙ ысынбарлыҡтағы һымаҡ хис итәбеҙ. Ә уянып китһәк – ул төш кенә булған икән. Беҙҙең аңыбыҙ төштәрҙән мәғлүмәт кенә һөҙөп ала. Төшөбөҙҙә алған мәғлүмәттәрҙең тиҙлеге шул тиклем шәп, 8 сәғәт йоҡо эсендә бер аҙналыҡ, айлыҡ ваҡиғаны баштан үткәрергә мөмкинбеҙ һәм бер минут серем мәлендә лә тулы сериалды “ҡарап сығырға” өлгөрәбеҙ.
Һуңғы күргән төштө иҫебеҙгә төшөрәйек әле. Улар беҙҙе уратып алған донъя, туғандар, синыфташтар... Күңеллеләре лә, ҡурҡыныстары ла, үлгән кешеләре лә осрай, шулаймы? Ҡайҙан килеп сыға һуң улар? Ниңә тормошта ла күрмәйбеҙ уларҙы? Сикһеҙ даръя киңлектәре бәләкәй генә атомдарҙан тора. Улар шундай эске энергияға эйә, туҡтауһыҙ хәрәкәттә булалар. Беҙ уларҙы ябай күҙ менән күрә алмайбыҙ. Кеше тәне лә атомдарҙан тора. Бөтә атомдар ҙа төрҙәренә, төҙөлөштәренә ҡарап төрлө йышлыҡтарҙа, тиҙлектә һәм йүнәлештә хәрәкәт итергә мөмкин.
Шул айырмалыҡтар өсөн дә беҙ йәшәйбеҙ инде, сөнки әгәр беҙ төштә күргән тиҙлек менән хәрәкәт итә башлаһаҡ, нимә булырын да күҙ алдына килтереүе ауыр. Был осраҡта ситтә торған икенсе кеше беҙҙе бөтөнләй күрә алмаҫ ине.
Үҙебеҙҙең тәнебеҙгә радиотулҡындар тиҙлеген биреп ҡарайыҡ, тип күҙ алдына килтерәйек. Улай булғанда, беҙгә ер шарын әйләнеп сығыу өсөн бер секундтан да кәмерәк ваҡыт етәсәк. Ошо “осош” ваҡыты эсендә юлда осраған материктар, тауҙарҙы, океан-диңгеҙҙәрҙе лә күреп өлгөрөр инек. Хәҙер күҙ алдына килтерәйек: беҙҙең яныбыҙҙа шундай тиҙлекле донъя бар икән тип. Беҙ уның барлығын һиҙер инекме? Юҡ, әлбиттә. Ә бына аңыбыҙ менән беҙ секунд эсендә Америкала, йәки башҡа урында булып ҡайтабыҙ. Шуға ла беҙҙә сәйер хәлдәр булып тора, мәҫәлән: мин был урында булдыммы, юҡмы? Был кешене ҡайҙа ғына күргәйнем әле? Күпме тырышһағыҙ ҙа, иҫегеҙгә төшөрә алмаҫҡа мөмкинһегеҙ: был аңлата алмаҫлыҡ хәлдәрҙең барыһы ла параллель донъя менән киҫешкән урында була ла инде...
Америка ғалимдарының 70 проценты, үлгәндән һуң тормош бар, тип иҫәпләй. Төрлө дин әһелдәренең ҡараштары ла шулай. Хьюстон университеты ғалимдары ике меңгә яҡын респонденттан, улар араһында гуманитар, төп фәндәр менән шөғөлләнеүселәр ҙә бар, һорау алыуҙар үткәргән. Һөҙөмтәләр аптыратырлыҡ, күпселек теге донъя барлығына ышана.
Бөтә кеше лә теге донъяға ышанмай, әлбиттә. Кембридж университеты ғалимы Петер Уодхемс та бындай тикшеренеүҙәрҙе ҡурҡыныс тип иҫәпләй. Ә проблемаға мөрәжәғәт итеүселәрҙе “алдаҡсылар” тип атай.
Ендәрҙе күреү, полтергейстар феномены ла бар бит әле. Уларҙы тикшеренеүҙәр ҙә ун һигеҙенсе быуатта, фәнни-техник революция үҫеш алған ваҡытта башлана. Күҙгә күренеүсе шайтандар – үлгән кешеләрҙең йәндәре иҫәпләнгән. Был феноменды асыҡлау уларҙы күреүсе шаһиттарҙың һөйләүҙәренә, яҙмаларына ғына ҡайтып ҡала.
Мәҫәлән, 1848 йылда Нью-Йорк штаты янындағы ағас йорттарҙың береһендә йәшәүсе апалы-һеңлеле ҡыҙҙар өйҙәрендә ниндәйҙер йән эйәһенең булыуын, ул туҡылдатыуҙар менән һөйләшеүен хәбәр итә. Йәнәһе лә ул был өйҙә ҡасандыр йәшәгән бер тимерсенең йәне. Тик ҡыҙҙарҙы шарлатанлыҡта ғәйепләп, ҡыуып ебәрәләр. Ә бер нисә йылдан йорт аҫтында күмелеп ҡуйылған кеше кәүҙәһе табыла...
Ә шулай ҙа...
Бер ваҡыт Мөшриктәр (мәжүсиҙәр) Рәсүллуллабыҙҙан мөғжизә таптырып бер иткәндәр. Быға яуап итеп, Аллаһы Тәғәлә гөнаһтары өсөн ер йөҙөнән юғалған халыҡтарҙы миҫалға килтерә. Мөғжизә күрһәтелеп торһа ла, улар ышанмаған. Үҙеңә ҡара, тәнеңдә күпме мөғжизә, тиелгән Ҡөрьәндә. Ысынлап та, беҙ һәр беребеҙ бер бөтөн хасил итһәк тә, ҡасандыр ике өлөш булғанбыҙ – атайыбыҙ һәм әсәйебеҙ тәнендә йөрөгәнбеҙ. Ул сағыбыҙҙы беҙ хәтерләмәйбеҙ – әммә булғанбыҙ. Унан әсәйебеҙ йөрәге аҫтында туғыҙ айға яҡын ғүмер кисергәнбеҙ. Әгәр беҙ шунда оҙаҡҡа ҡала торған булһаҡ, икенсе, әле йәшәгән донъябыҙ барлығын белмәҫ тә инек. Ер йөҙөндә ғүмер кисереп, уның менән хушлашҡас, йәнә икегә бүленәсәкбеҙ: тәнебеҙ – ерҙә ҡаласаҡ, йәнебеҙ Хаҡ Тәғәлә хөкөмөнә күсәсәк. Икенән бер булғанды, берҙән ике булыу мөғжизәһенә нисек ышанмаҫҡа мөмкин?
Күҙгә күренмәҫ һәр күҙәнәгебеҙ кеше хаҡында бар нәмәне белә, шуға ла унан клон яһарға мөмкин. Кеше тәнендә бер ниндәй шарттарҙа ла юҡҡа сыҡмай торған бер күҙәнәк барлығын ғалимдар иҫбатланы ла инде. Шул күҙәнәктән тереләсәкбеҙ беҙ Ҡиәмәт көнөндә.
Теге донъя барлығына ышаныу-ышанмау һәр кемдең үҙенән тора. Был өлкәләге тикшеренеүҙәр әле лә бара, киләсәктә лә дауам итәсәк. Дин тәғлимәттәре асылда фәнни ҡараштар менән тап килеүе мәңгелек донъяның барлығына шик ҡалдырмай.
Ғәбдерәүеф Хәйруллин, Туҡай мәсете имам-хәҙрәте:
“Был донъяға беҙ бушҡа килмәгәнбеҙ. Аллаһы Тәғәлә кешеләрҙе нисек бар шулай яратҡан. Кемдер дөрөҫ юлдан бара, Аллаһы ҡушҡандарҙы үтәй. Ҡайһы берәүҙәр инде шайтан юлын тапай, насар ҡылыҡтар эшләй. Изге кеше менән алама йән эйәһе араһында айырмалыҡтар бармы? Әлбиттә. Юҡҡа ғына беҙ теге йәки был әҙәм йәннәткә эләгә, ҡайһы берҙәрҙе тамуҡ алыр, тип әйтмәйбеҙ бит. Ҡиәмәт көнөндә лә беҙҙән һорауҙар аласаҡтар, йәнебеҙ ожмахҡа эләгәме, тамуҡта янасаҡмы, шунда билдәле була ла инде. Шуға ла үлгәндәрҙең тәне ерҙә ятһа ла, уларҙың йәндәре теге донъяла осоп йөрөй. Улар мең йылдар үткәс тә әйләнеп ҡайтырға мөмкин”.
Булат ХӘЙРЕТДИНОВ әҙерләне.
Теги:
