Рөстәм Хәмитовтың мөрәжәғәтнамәһендә ғаилә ҡиммәттәренә ҙур иғтибар бүленде — республиканың Яҙыусылар союзы рәйесе
![Рөстәм Хәмитовтың мөрәжәғәтнамәһендә ғаилә ҡиммәттәренә ҙур иғтибар бүленде — республиканың Яҙыусылар союзы рәйесе Рөстәм Хәмитовтың мөрәжәғәтнамәһендә ғаилә ҡиммәттәренә ҙур иғтибар бүленде — республиканың Яҙыусылар союзы рәйесе](https://bashkizi.bashkortostan102.ru/uploads/posts/2017-12/thumbs/1512131080_alibaev.jpg)
«Рухи ҡиммәттәр ғаиләлә һаҡлана. Республикабыҙҙа ошо йүнәлештә һәйбәт йолалар бар: ағинәйҙәр хәрәкәте йылдан-йыл әүҙемләшә, атай-олатайҙарҙың абруйын күтәреү өсөн байтаҡ эштәр башҡарыла. 2017 йылда Ҡоролтайҙың башҡарма комитеты ғаилә байрамын ойошторҙо, ә бөгөн Рөстәм Зәки улы 2019 йылда республиканың 100 йыллығы уңайынан Бөтә Рәсәй ғаилә фестивале уҙғарыласағын әйтте», — тине Зәки Әлибаев.
Шулай уҡ спикер мөрәжәғәтнамәлә байтаҡ мәсьәләләрҙе хәл итеү талап иткән мәғариф өлкәһенә ҙур иғтибар бүленеүен билдәләне.
«Шуныһы ҡыуаныслы: республика башлығы һүҙҙәренсә, дәүләт һәм туған телдәрҙе өйрәнеүгә иғтибар кәмемәйәсәк. Был — бик ыңғай күренеш», — тип аңлатма бирҙе Башҡортостандың Яҙыусылар союзы рәйесе.
Башҡортостан Республикаһы башлығы сығышының төп тезистары менән бында танышырға мөмкин.
Сығыштың стенограммаһы Башҡортостан Башлығы сайтында баҫылған.
«Башинформ»
Теги: Рөстәм Хәмитов Башҡортостан Башлығы мөрәжәғәтнамәһе