Ҡыҙҙары ла ҡыҙҙары!

Ҡыҙҙары ла ҡыҙҙары!Башҡортостан юлдаш телевидениеһының «Тамыр» каналы режиссеры Гөлназ Ғәлимуллина Рәсәй һәм халыҡ-ара бәйгеләрҙә бихисап еңеүҙәр яулап, үҙ һөнәренең оҫтаһы икәнлеген күптән иҫбатланы. Әллә нисә үҙәк телеканал уны үҙҙәренә эшкә ҡоҙалаһа ла, Гөлназ тыуған ерендә ҡалып, ошо ерҙең кешеләрен данлауын дауам итә. Һәм бына яңыраҡ уның «Күл буйындағы өй йәки ожмахҡа осош» тигән фильмы Ер шары кимәлендә 1953 йылдан бирле үткәрелгән телефильмдар һәм тапшырыуҙар ярышында көслө режиссерҙарҙың ҡулы тейгән 10 000 таҫма араһынан һайланып алынып, финалға үткән 300 эштең иң яҡшыларының береһе тип табылып, тәүге бишәү араһына инде. Башҡорт телетаҫмаһын донъя кимәленә сығарған егәрле һәм иҫ киткес һәләтле ҡыҙ яңыраҡ Лас-Вегас ҡалаһына, бүләкләү тантанаһына барып ҡайтты. «CNN», «National-Geographic» каналдары журналистары менән бер рәттән еңеп, улар менән аралашып ҡайтыу минең өсөн ҙур һабаҡ булды», – ти Гөлназ.

Ҡыҙҙары ла ҡыҙҙары!
Донъя кимәлендә юғары баһаланған модель Эльвира Хисаева, күп хеҙмәттәштәренән айырмалы рәүештә, рәсемгә сисенеп төшмәйем, тигән ҡаты талап менән эшләһә лә, билдәлелеге һәм эш хаҡы көндән-көн арта. Оҙаҡ ваҡыт «Кристиан Диор» компанияһының реклама баҙарындағы йөҙө булған, әлеге мәлдә «Рамблер» корпорацияһының коммерция бүлегендә эшләгән башҡорт һылыуы яңыраҡ үҙе эшләп тапҡан аҡсаға Мәскәүҙән фатир һатып алып, әсәһе менән һеңлеһен янына күсереп алған. «Аллаға шөкөр, минең тормошомда барыһы ла яҡшы. Туғандарыма ярҙам итә, терәк була алыуым менән бәхетлемен, ә тыуған Башҡортостаныма, әсәйемдең яратҡан журналына ҡайнар сәләмдәремде ебәрәм», –
тине ул.

Ҡыҙҙары ла ҡыҙҙары!
Әбына Баймаҡ районынан Гөлфиә Ғайсина исемле һылыуҡайыбыҙҙың йондоҙло сәғәттәре саҡ һуғырға тора әле. Гөлфиә яңыраҡ ТНТ каналының «Экстрасенстар алышы» тапшырыуының яңы миҙгеленә һайлап алыу турында ҡатнашып, меңләгән дәғүәсе араһында еңеп, киләһе турға үтте. Гөлфиә – проектҡа эләккән беренсе башҡорт. Май аҙағында икенсе тур тура эфирҙа буласаҡ. Яҡташыбыҙҙың был тапшырыуҙағы яҙмышы беҙҙән дә тора, дуҫтар! Мөғжизәле көсөн файҙаланып, юғалған кешеләрҙе эҙләргә ярҙам иткән, һөйләшмәгән балаларға тел асҡысы табышҡан яҡты күңелле, ярҙамсыл ҡыҙға смс тауыштарыбыҙҙы йәлләмәйек һәм уңыштар юлдаш булыуын теләйек!




Теги:




Яңы һан



Журнал архивы



Һеҙҙең мөнәсәбәт

Сайттың яңы дизайны оҡшаймы?



Тауыш бирергә Һөҙөмтәләр



Мы в Одноклассниках
Мы на Facebook