Хөкүмәт законға 10 апрелгә тиклем пенсияға социаль өҫтәмәне яңынан иҫәпләүҙе тәьмин иткән үҙгәрештәр индерергә тейеш. Был – Владимир Путиндың Федераль Йыйылышҡа йыллыҡ Мөрәжәғәтнамәһен тормошҡа ашырыу буйынса раҫланған бихисап сараларҙың бары береһе генә.

Ил башлығы шулай уҡ ипотека ставкаһын 8 процентҡа һәм унан да бәләкәйерәк процентҡа тиклем түбәнәйтеү, “ипотека каникулдары” булдырыу, йәғни ауыр тормош хәлендә ҡалған кешеләр өсөн төп бурысты түләү ваҡытын кисектереү буйынса ла саралар күрергә ҡушты.