Өфө ҡалаһынан Рима Абакова ғүмерен логопед һөнәренә арнаған. Ҡул эштәре менән хаҡлы ялға сыҡҡас ҡына шөғөлләнә башлай ул. Таҫма менән сигеп картиналар эшләй. Хәҙер инде башҡорт кейеменә, биҙәүестәренә хас нескәлектәрҙе көндән-көн, йылдан-йыл асып ҡыуана ла тирә-яғындағыларға, йәш быуынға тарата.
Бәйгегә килтергән таҡыяһы үҙенсәлекле. Бәрхәттән тегелгән, биҙәү өсөн йылға ынйыһы ҡулланылған. Ә алтын менән сигеү тигән еңел булмаған һәм һирәк осраған ысулды Силәбе оҫтаһынан махсус өйрәнгән.