“Мин – ҡатын-ҡыҙ, хәсрәттәрем ябай:
Һаҡлайым өй йәмен, үҫә балам,
Мин донъяға бирәм тик изгелек,
Мин донъяға тик яратып бағам”

4 декабрҙә баш ҡалабыҙҙың “Нефтсе” мәҙәниәт һарайында билдәле шағирә, “Башҡортостан ҡыҙы” журналының баш мөхәррире, Рәсәй Федерацияһының атҡаҙанған мәҙәниәт хеҙмәткәре, Башҡортостан Республикаһының атҡаҙанған матбуғат һәм киң мәғлүмәт хеҙмәткәре, Башҡортостан Республикаһы Дәүләт Йыйылышы – Ҡоролтай депутаты Йомабикә Ильясованың кисәһе үтте!
Наҙ, ихласлыҡ, яҡтылыҡ менән һуғарылған ҡабатланмаҫ тамаша шиғриәткә, йыр-моңға ғашиҡ йөрәктәргә шифа, изге моң булып яғылды.